Azərbaycan Ekologiya Standartlarının Monitorinq Fondu “Sivas Eğitimçiler Dərnəyi”nin Avropa Birliyinin “Gənclər Hərəkətdə” proqramının dəstəyi ilə həyata keçirdiyi “Gəlin təbiətdə quşlarla tanış olaq” adlı layihəsinə əməkdaş olaraq qoşulmuşdur.
Layihənin icra hissəsi 16-24 aprel 2011-ci tarixlərində Türkiyyənin Sivas şəhərində keçiriləcəkdir. Layihəyə 6 ölkədən (Türkiyyə, Bolqariya, Makedoniya, Gürcüstan, Azərbaycan Ermənistan) 30 nəfər gənc qatılacaqdır. Layihənin Azərbaycan üzrə qrup lideri fondun ekoloqu Sadiq Rzayevdir.
Layihənin ilk hissəsi olaraq Sivasda 5-7 mart tarixlərində ölkələrin qrup liderlərinin görüşü keçirildi. Görüşdə layihənin proqramı, texniki məsələlər müzakirə olundu.