Azərbaycan Ekologiya Standartlarının Monitorinq Fondu Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirdiyi “Ətraf mühitin qorunmasında gənclərin rolunun artırılması” layihəsi çərçivəsində gənclər üçün təlimlər davam edir.

Növbəti təlim 09 iyul 2011-ci il tarixində “İnsan Hüquqları Evi”-ndə keçirilmişdir.
Təlimçi Abuşov Ayaz tərəfindən aparılmış, təlimdə 20 nəfər gənc iştirak etmişdir. Təlim “İnternet bloqçuluq və onun ətraf mühitin qorunmasına göstərə biləcək təsiri” mövzusunda idi. Təlim zamanı “Bloq nədir?”, “Bloqu necə yaratmalı?”, “Bloqa aid olan bütün məsələlər”, “Mən ekoloji bloqumu belə görürəm” və s. kimi məsələlərdən danışıldı. Təlim beyin həmlələri, qrup işləri, təqdimatlarla və interaktiv üsullarla keçirilmişdir.

Təlimin ikinci hissəsində “İnternet bloqçuluq və onun ətraf mühitin qorunmasına göstərə biləcək təsiri” mövzusunda praktiki təlim keçirilmişdir.

Lahiyənin təlim hissəsi başa çatmışdır və yekun olaraq iyul ayının sonunda Dəyirmi masanın keçirilməsi nəzərdə tutulub.