Respublikamız dünya ölkələri arasında su problemi ilə üzləşən ölkələrdən hesab edilir. Bakı şəhərində içməli su problemini həll etmək məqsədi ilə son illərdə dövlət tərəfindən bir sıra mühüm əhəmiyyətə malik layihələr həyata keçirilmişdir. Yeni istifadəyə verilmiş Oğuz-Qəbələ-Bakı su kəməri şəhər əhalisinin içməli suya olan tələbatını artıqlaması ilə ödəmək imkanına malikdir.
Azərbaycan Ekologiya Standartlarının Monitorinq Fondunun əməkdaşları Oğuz-Qəbələ-Bakı su kəmərinin istifadəyə verilməsindən sonra mövcud vəziyyəti öyrənmək məqsədilə Bakı şəhərinin bütün rayonlarının əhalisi arasında 2011-ci ilin fevral ayında sorğu keçirmişdir.
Fondumuz içməli su probleminin öyrənilməsi ilə əlaqədar keçirdiyi sorğunun nəticələrini müzakirə etmək və mövcud problemləri ictimaiyyətin nəzərinə çatdırmaq məqsədilə “Bakı şəhər əhalisinin içməli su problemi” mövzusunda 2011-ci il, 16 mart, saat 11:00-da Caspian Plaza Otelində (2-ci mərtəbə, C.Cabbarlı küçəsi 44, Nizami metrosunun yaxınlığı) Dəyirmi Masa keçirəcək.