Beyləqan rayonunda ekoloji tədbirlər 2011-ci ildə də uğurla davam etdirilmişdir. Rayon icra hakimiyyətindən bildirmişlər ki, rayonda 156 mindən çox ağac, 30 minədək həmişəyaşıl dekorativ kol əkilmiş, ekologiya parkı salınmış, Heydər Əliyev Mərkəzinin, mərkəzi şəhər parkının, Mücirəddin Beyləqani xiyabanının ərazisində 4 min 500 kvadratmetrdən çox sahədə yaşıl çəmənliklər salınmışdır.

Bu dövrdə meşə mühafizəsi və bərpası müəssisəsi tərəfindən 102 hektar sahədə müxtəlif cins ağac növlərindən meşə salınmışdır. Kökləndirmək üçün 1,2 hektar sahədə müxtəlif cinslərdən 60 min qələm basdırılmış, 1 hektar sahədə şam, akasiya, göyrüş ağaclarından ibarət böyütmə sahəsi yaradılmışdır. 4 hektar sahədə tinglik səpilmiş, 1650 kiloqram toxum tədarük edilmişdir.


www.azertag.com