Ötən il qanunsuz olaraq Hacıkənd meşələrində ağac kəsdiyinə görə 26 nəfər məsuliyyətə cəlb edilib.


Bu barədə məlumatı Göygöl Meşələrin Mühafizəsi və Bərpası Müəssisəsinin direktor müavini Aslan Vəliyev verib.

Onun sözlərinə görə saxlanılan 26 nəfər barəsində inzibati qaydada cəza tətbiq edilmiş və onların Azərbaycan Respublikasının Meşə Fonduna vurduqları ziyan hesablanmışdır.

Müsahibin sözlərinə görə saxlanılanlardan 10 nəfəri təyin edilən cəriməni ödəmədiyinə görə məhkəməyə müraciət edilmişdir. Bundan başqa iki nəfər barəsində tədbir görülməsi üçün sənədlər polisə təqdim edilib. Yerdə qalan 14 nəfər isə Meşə Fonduna vuran ziyanı və inzibatı cəriməni ödəyib.

A.Vəliyev qeyd etdi ki, son günlər havaların şaxtalı keçməsi meşələrə ziyan vuranların sayını artırıb. Belə ki, bu ilin iki ayı ərzində 7 fakt aşkarlanaraq tədbirlər görülməsi üçün hüquq mühafizə orqanlarına müraciət edilib.



www.gun.az