Xaçmazdakı istirahət parklarının əksəriyyətində dekorativ bitkilərə rast gəlinir. Havaların soyuması onların məhv olma ehtimalını artır. Çünki ətrafı bəziyən dekorativ bitkilər daha çox isti iqlimə uyğundur. Mənfi temperatur bu ağacların ömrünü vaxtından əvvəl bitirə bilər.

Bağban Qurban Qəribov deyir ki, bitkilərə qulluq edilməsinə payız aylarından başlanılmalıdır. Buna səbəb bölgənin iqlimindəki dəyişkənlikdir. Onun sözlərinə görə, parklarda və istirahət mərkəzlərində olan dekorativ bitkilər bölgənin iqliminə uyğundur. Amma bu o demək deyil ki, onlar soyuq və şaxtalı havadan salamat qurtara biləcək. Bu bitkilər mənfi temperatur şəraitinə davam gətirmək gücünə malik olsalar da şaxtanın artması sözügedən bitkilərin məhvinə səbəb ola bilər. Bunun üçün müvafiq aqrotexniki tədbirlər görülməlidir.

Xaçmaz “Abadlaşdırma” MMC-in direktoru Orucəli Nuriyevin deyir ki, idarənin tabeliyində olan bütün parklarda aqrotexnik işlər aparılır. İstirahət mərkəzlərində olan dekorativ bitkilərə isə bağbanlar tərəfindən nəzarət olunur. Onun sözlərinə görə, Xaçmazdakı parklarda olan dekorativ bitkilər soyuq hava şəraitinə davam gətirmək gücündədir.


www.milli.az