İran Beynəlxalq Elmi Tədqiqat İnstitutunun apardığı araşdırma nəticəsində müəyyən edilib ki, Xəzər dənizində nərəkimilər sinfinə aid olan balıq növlərinin ehtiyatı 25-30% azalıb.
İnstitut, həmçinin müəyyən edib ki, qanunsuz balıq ovu davam edərsə, artıq 13 ildən sonra bu növ balıqlar Xəzər dənizində tamam yox olacaq. Hazırda İran, Rusiya, Türkmənistan və Azərbaycan Xəzər dənizində nərə balıqlarının ehtiyatlarının öyrənilməsinə dair birgə monitorinq keçirir. Monitorinq Xəzərin Astara (Azərbaycan) - Bender-Torkeman (İran) ərazisində aparılır.
Monitorinqin nəticələri bu ilin sentyabr ayında Xəzər dənizinin su bioresurslarına dair komissiyanın iclasında müzakirə olunacaq.

/www.apa.az/