Qaz balası normal gəzir və qidalanır.
Şabran rayonunun Rəhimli kəndində maraqlı hadisə baş verib. Kənd sakini 65 yaşlı Əsədulla Həşimovun şəxsi quşçuluq təsərrüfatında qeyri-adi xarici görünüşü olan qaz balası olub. Ə.Həşimovun həyat yoldaşının verdiyi məlumata görə, təxminən 1 ay əvvəl kürt düşən ana qazın altına yumurta qoyub. Yumurtadan çıxan 10 cücədən biri bütün ailəni heyrətləndirib. Qaz cücəsinin 4 ayağı olub.
Ev sahibi Əsədulla Həşimov 50 ildən artıq həyətində qaz-toyuq saxlasada, belə halla ilk dəfə rastlaşdığını bildirib. Təsərrüfat sahibi normal gəzən və qidalanan qaz balasını böyüdüb eksponat kimi saxlayacağını bildirib.
Hadisə ilə bağlı rayon Baytarlıq İdarəsinə məlumat verilib.

www.ans.az