İsveç və ABŞ ekoloqlarının apardıqları tədqiqat nəticəsində müəyyən olunub ki, son illərdə okeanlarda ölü zonaların sayı xeyli artıb. Bu zonalar okean ekosistemi üçün 3 əsas təhlükədən biri hesab olunur. Digər iki təhlükə isə bunlar hesab olunur: intensiv balıqçılıq və növlərin məskunlaşdığı ərazilərin məhv edilməsi.
Tədqiqatın nəticələrinə əsasən müəyyən olunub ki, okeanda ölü zonaların artması 60-cı illərdən başlayıb. 1965-ci ildən 1995-ci ilə qədər müddətdə ölü zonaların sayı 49-dan 305-ə qədər artıb. 1995-ci ildən 2007-ci ilə qədər müddətdə isə bu cür zonaların sayı 305-dən 405-ə qədər yüksəlib.
Okeanda ölü zonaların ümumi sahəsi 240 min kvadrat kilometrdən çox təşkil edir. Bu sahələrdən ən çoxu Missisipi çayının mənsəbində, Baltik dənizi və Meksika körfəzində yerləşir. Bu üç ərazidə ölü zonaların sahəsi 20 min kvadrat kilometr təşkil edir.
Ölü zonalar, kənd təsərrüfatında istifadə olunan azot gübrəsinin suya tökülməsi nəticəsində əmələ gəlir. Bu isə birillik dəniz yosunlarının kəskin çiçəkləməsinə səbəb olur. Bundan sonra isə onlar yalnız bakteriyalar üçün qidaya çevrilir.
Alimlərin fikirlərinə görə təbiətdə azot dövranının bərpa olunması bəşəriyyət üçün, qlobal istiləşmə ilə mübarizədən sonra ikinci əsas məqsəd olmalıdır.

/www.lenta.ru/