Almaniyada aparılan tədqiqatın nəticələrinə görə, ölkənin ən yüksək dağlıq zonasında bir həftə vaxt keçirən 20 kök kişi arıqlamışdır. Tədqiqat nəticəsində sübuta yetirilmişdir ki, dağ havasında oksigenin az olması iştahı azaldır və insan özü də hiss etmədən az yeyir.
Dağlıq zonada iştahın itirilməsi tez-tez rast gəlinən haldır. Amerika alimləri bildirirlər ki, ABŞ-ın dağlıq Kolorado ştatında digər ştatlarla müqayisədə piylənmədən əziyyət çəkən insanlara, demək olar ki, rast gəlinmir.
Belə çıxır ki, sağlam adam yalnız iştahını itirmək şərti ilə arıqlaya bilər. Odur ki, qədd-qamətini düzəltmək istəyənlər məzuniyyət vaxtı istirahət üçün dağlıq yerləri seçməlidirlər